തിരുവനന്തപുരം: ചലച്ചിത്രമേളയുടെ ഓണ്‍ലൈൻ റിസര്‍വേഷൻ വെള്ളിയാഴ്ച ആരംഭിക്കും. ഫെസ്റ്റിവലിന്‍റെ ഔദ്യോഗിക വെബ്സൈറ്റായ www.iffk.inല്‍ ലോഗിൻ ചെയ്‌തോ, പ്ലേ സ്റ്റോറില്‍നിന്നു ഡൗണ്‍ ലോഡ് ചെയ്യുന്ന IFFK ആപ്പ് വഴിയോ പ്രതിനിധികള്‍ക്ക് ചിത്രങ്ങള്‍ റിസര്‍വ് ചെയ്യാവുന്നതാണ്.
എല്ലാ തിയറ്ററുകളിലും 70 ശതമാനം സീറ്റുകളിലാണ് റിസര്‍വേഷൻ അനുവദിക്കുക. 30 ശതമാനം സീറ്റുകള്‍ അണ്‍ റിസര്‍വ്ഡ് കാറ്റഗറിയില്‍ ഉള്‍പ്പെട്ടവര്‍ക്കായി മാറ്റിവെച്ചിട്ടുണ്ട്. തിയറ്ററുകളുടെ സീറ്റിങ് കപ്പാസിറ്റി അനുസരിച്ച്‌ മാത്രമേ പ്രവേശനം അനുവദിക്കുകയുള്ളൂ. 24 മണിക്കൂറിന് മുമ്ബ് ചിത്രങ്ങള്‍ ബുക്ക് ചെയ്യണം.
രാവിലെ എട്ടു മുതല്‍ 70 ശതമാനം സീറ്റുകള്‍ പൂര്‍ണമാകുന്നതുവരെയാണ് റിസര്‍വേഷൻ അനുവദിക്കുക. രജിസ്ട്രേഷൻ നമ്ബറും പാസ് വേര്‍ഡും സിനിമയുടെ കോഡും ഉപയോഗിച്ചാണ് സീറ്റുകള്‍ ബുക്ക് ചെയ്യേണ്ടത്. നിശാഗന്ധി ഓപ്പണ്‍ തിയറ്ററില്‍ ഒഴികെ എല്ലാ തിയറ്ററുകളിലും റിസര്‍വേഷൻ അനുവദിച്ചിട്ടുണ്ട്. ഒരു ദിവസം പരമാവധി മൂന്ന് ചിത്രങ്ങള്‍ വരെ ബുക്ക് ചെയ്യാവുന്നതാണ്.