കൊല്ലം: യുവാവും യുവതിയും വീട്ടിനുള്ളില്‍ തീകൊളുത്തി മരിച്ചനിലയില്‍. കൊല്ലം അഞ്ചലിലാണ് സംഭവമുണ്ടായത്. തടിക്കാട് പൂണച്ചുല്‍വീട്ടില്‍ സിബിമോള്‍ (37) പാങ്ങരംവീട്ടില്‍ ബിജു (47) എന്നിവരാണ് മരിച്ചത്. സിബിമോളുടെ വീട്ടിലാണ് ഇരുവരേയും മരിച്ച നിലയില്‍ കണ്ടെത്തിയത്
വിവാഹിതയായ സിബിമോളുടെ ഭർത്താവ് വിദേശത്താണ്. ബിജുവും സിബിമോളും കുറച്ചുകാലമായി അടുപ്പത്തിലായിരുന്നു. വൈകിട്ട് ആറരയോടെയാണ് ബിജു പെട്രോളുമായി സിബിമോളുടെ വീട്ടിലെത്തിയത്. മുറിയില്‍ വച്ച്‌ യുവതിയുടെ ദേഹത്ത് പെട്രോള്‍ ഒഴിച്ച്‌ തീകൊളുത്തുകയായിരുന്നു. തുടർന്ന് ബിജുവും പെട്രോളൊഴിച്ചു തീകൊളുത്തി.
സംഭവം നടക്കുമ്ബോള്‍ സിബിമോളുടെ വീട്ടില്‍ ജോലിക്കാരി മാത്രമാണ് ഉണ്ടായിരുന്നത്. കുട്ടികള്‍ ട്യൂഷനു പോയിരുന്നു. . ഇരുവരുടെയും മൃതദേഹം കത്തിക്കരിഞ്ഞ നിലയിലാണുള്ളത്. പൊലീസ് സ്ഥലത്തെത്തി പരിശോധന നടത്തി.മരിച്ച ബിജുവും വിവാഹിതനാണ്