യുവതിയെ വിവാഹ വാഗ്ദാനം നല്‍കി പീഡിപ്പിച്ച യുവാവ് അറസ്റ്റില്‍. തെക്കേക്കര പൊന്നേഴ പുതിയേടത്ത് പുത്തൻ വീട്ടില്‍ അജീഷ് കുമാര്‍(41) ആണ് അറസ്റ്റിലായത്.കായംകുളം സ്വദേശിനിയായ യുവതിയെ ആണ് വിവാഹ വാഗ്ദാനം നല്‍കി പീഡിപ്പിച്ചത്. യുവതിയെ വിവാഹം കഴിക്കാമെന്ന് പറഞ്ഞ് പ്രലോഭിപ്പിച്ച്‌ കുറത്തികാട് ഭാഗത്തുള്ള പ്രതിയുടെ വീട്ടിലും പന്തളം ഭാഗത്തുള്ള ലോഡ്ജിലും കൊണ്ടുപോയി നിരവധി തവണ പീഡിപ്പിച്ചെന്നാണ് പരാതിയില്‍ പറയുന്നത്.
ഒളിവില്‍ പോയ പ്രതിയെ കുറത്തികാട് എസ്‌എച്ച്‌ഒ പി.കെ. മോഹിത്, എഎസ്‌ഐ രജീന്ദ്രദാസ്, സിപിഒ രഞ്ജു എന്നിവര്‍ കൊല്ലം കുണ്ടറയില്‍ നിന്നും ആണ് കസ്റ്റഡിയില്‍ എടുത്തത്. പ്രതിയെ കോടതിയില്‍ ഹാജരാക്കിയ ശേഷം റിമാൻഡ് ചെയ്തു