കോതമംഗലം: നെല്ലിമറ്റം ഭാഗത്ത് വച്ചാണ് വിനോദസഞ്ചാരികളായ കൊടുങ്ങല്ലൂർ സ്വദേശികളായ യുവാക്കൾ സഞ്ചരിച്ചിരുന്ന കാർ നിയന്ത്രണം നഷ്ടപ്പെട്ട് അപകടമുണ്ടായത്. എതിർ ദിശയിൽ ബൈക്കിൽ വന്ന ഊന്നുകൽ സ്വദേശിയും നിലവിൽ കോഴിപ്പിള്ളി പാറച്ചാലിപ്പടിയിൽ താമസക്കാരനുമായ മനോജിനെയാണ് ഇടിച്ച് തെറിപ്പിച്ചത്.
അപകടത്തിൽ സാരമായി പരിക്കേറ്റ മനോജിനെ ആദ്യം കോതമംഗലത്തെ സ്വകാര്യ ആശുപത്രിയിൽ പ്രവേശിപ്പിക്കുകയും, തുടർന്ന് നിന്നും വിദഗ്ദ ചികിത്സക്കായി തൊടുപുഴ സെൻ്റ് ആൻ്റണീസ് ഹോസ്പിറ്റലിലേക്ക് മാറ്റുകയും ചെയ്തു.