ചങ്ങനാശ്ശേരി: വിദ്യാർത്ഥിനിയോട് ലൈംഗികാതിക്രമം നടത്തിയ അറബി അധ്യാപകനെ പോലീസ് അറസ്റ്റ് ചെയ്തു. ചങ്ങനാശ്ശേരി ചെത്തിപ്പുഴ തെങ്ങുംപറമ്പിൽ വീട്ടിൽ സാലിഹ്.റ്റി.എസ് എന്നയാളെയാണ് കുമരകം പോലീസ് അറസ്റ്റ് ചെയ്തത്. ചെങ്ങളത്തുള്ള സ്കൂളിലെ അറബി അധ്യാപകനായ ഇയാൾ പെൺകുട്ടിയോട് ലൈംഗികാതിക്രമം നടത്തുകയായിരുന്നു.
തുടർന്ന് പെൺകുട്ടിയുടെ പരാതിപ്രകാരം കുമരകം പോലീസ് പോക്സോകേസ് രജിസ്റ്റർ ചെയ്യുകയും, എസ്.എച്ച്. ബിൻസ് ജോസഫിന്റെ നേതൃത്വത്തിലുള്ള സംഘം ഇയാളെ അറസ്റ്റ് ചെയ്യുകയും ആയിരുന്നു. പിന്നീട് ഇയാൾക്കെതിരെ മറ്റൊരു പെൺകുട്ടിയും സമാനമായ പരാതി നൽകി. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.