കൊച്ചി: ഡ്രൈഡേ കണക്കിലെടുത്ത് വില്‍പ്പന നടത്തുന്നതിനായി വീട്ടില്‍ സൂക്ഷിച്ചിരുന്ന മദ്യ കുപ്പികളുമായി ഒരാള്‍ പിടിയില്‍. കൂവപ്പടി സ്വദേശി വിജേഷിനെയാണ് എക്സൈസ് അറസ്റ്റ് ചെയ്തത്. വില കൂട്ടി വില്‍ക്കുന്നതിനായി സൂക്ഷിച്ചിരുന്ന 12 ലിറ്റർ മദ്യം ഇയാളുടെ പക്കല്‍നിന്ന് പിടിച്ചെടുത്തത്.
12 കുപ്പികളിലായി നിറച്ച ജവാൻ മദ്യമാണ് എക്സൈസ് കണ്ടെത്തിയത്. മദ്യം ലഭിക്കാത്ത ദിവസങ്ങളില്‍ വല കൂട്ടി മദ്യം വില്‍ക്കുന്നത് പ്രതി പതിവാക്കിയിരുന്നു. ഇതിനെ കുറിച്ച്‌ ലഭിച്ച രഹസ്യവിവരത്തിന്‍റെ അടിസ്ഥാനത്തില്‍ നടത്തിയ പരിശോധനയിലാണ് പ്രതി പിടിയിലായതെന്ന് എക്സൈസ് അറിയിച്ചു