ഇടുക്കി: വാഹനാപകടത്തില്‍ പരിക്കേറ്റയാളെ ആശുപത്രിയിലെത്തിക്കാതെ കൈയൊഴിഞ്ഞ് പോലീസ്. ശനിയാഴ്ച രാത്രി പത്തരയോടെ ഇടുക്കി കട്ടപ്പന പള്ളിക്കവലയിലാണ് സംഭവം നടന്നത്. കാഞ്ചിയാര്‍ ചൂരക്കാട്ട് ജൂബിൻ ബിജു(21), ഇരട്ടയാര്‍ എരുമച്ചാടത്ത് അഖില്‍ ആന്‍റണി(23) എന്നിവര്‍ക്കാണ് പരുക്കേറ്റത്.
പള്ളിക്കവലയ്ക്ക് സമീപത്തെ കടയില്‍ നിന്ന് ഭക്ഷണം കഴിച്ചശേഷം ബൈക്കില്‍ ടൗണിലേയ്ക്ക് വരുകയായിരുന്നു യുവാക്കള്‍. ഈ സമയം ടൗണില്‍ നിന്നും തെറ്റായ ദിശയില്‍ എത്തിയ പിക് അപ് വാൻ ഇവരുടെ ബൈക്ക് ഇടിച്ചുതെറിപ്പിക്കുകയായിരുന്നു എന്നാല്‍, ഈ സമയം ഇതുവഴിയെത്തിയ നെടുങ്കണ്ടം സ്റ്റേഷനിലെ പോലീസുകാര്‍ ഇവരെ ആശുപത്രിയില്‍ കൊണ്ടുപോകാൻ തയാറായില്ല. പകരം അവരെ ഓട്ടോ റിക്ഷയില്‍ കൊണ്ടുപോകാൻ നിര്‍ദേശം നല്‍കിയ ശേഷം സ്ഥലത്ത് നിന്നും പോവുകയായിരുന്നു.
സംഭവത്തില്‍ അന്വേഷണം നടത്തി അടുത്ത ദിവസം ജില്ല പോലീസ് മേധാവിക്ക് റിപ്പോട്ട് സമര്‍പ്പിക്കുമെന്ന് കട്ടപ്പന ഡിവൈഎസ്പി അറിയിച്ചു