തൃശൂര്‍: കൊടകരയില്‍ വീട് കയറി ആക്രമണത്തില്‍ രണ്ട് പേർ കുത്തേറ്റ് മരിച്ചു. കല്ലിങ്ങപ്പുറം വീട്ടില്‍ സുജിത്ത് (29), മഠത്തില്‍ പറമ്ബില്‍ അഭിഷേക്(28) എന്നിവരാണ് മരിച്ചത്. ബുധനാഴ്ച രാത്രി 11.30 ഓടെ കൊടകര വട്ടേക്കാടാണ് സംഭവം നടന്നത്. അഭിഷേകും മറ്റ് രണ്ടു പേരും ചേർന്ന് സുജിത്തിനെ വീട് കയറി ആക്രമിക്കുകയായിരുന്നു.
കുത്തുകൊണ്ട സുജിത്ത് പ്രതിരോധിക്കുന്നതിനിടെ അഭിഷേകിനും കുത്തേറ്റു. ഹരീഷ്, വിവേക്, അഭിഷേക് എന്നിവരാണ് സുജിത്തിന്‍റെ വീട്ടില്‍ ആക്രമിക്കാൻ കയറിയത്. സുജിത്തിന്‍റെ മൃതദേഹം ചാലക്കുടിയിലെ സ്വകാര്യ ആശുപത്രിയിലും അഭിഷേകിന്റെ മൃതദേഹം കൊടകരയിലെ സ്വകാര്യ ആശുപത്രിയിലും സൂക്ഷിച്ചിരിക്കുകയാണ്