കോതമംഗലം: ഡോക്ടർമാരുടെ ഡ്യൂട്ടി വിവരങ്ങളുമായി കോതമംഗലം താലൂക് ആശുപത്രിയുടെ ഔദ്യോഗിക വെബ് സൈറ്റ് thqhkothamangalam.in പ്രവർത്തനം ആരംഭിച്ചു. എംബിറ്റ്സ് എൻജിനീയറിങ് കോളജ് സൗജന്യമായി ഡിസൈൻ ചെയ്തു നൽകിയ വെബ്സൈറ്റിന്റെ ഉദ്ഘാടനം കോതമംഗലം എംഎൽഎ ആന്റണി ജോണാണ് നിർവഹിച്ചത്.
ഈ വെബ്‌സൈറ്റിൽ കയറിയാൽ ഓരോ ഡോക്ടർമാരും ഏതു ഡ്യൂട്ടിയിൽ ആണ് ഉള്ളതെന്ന് തലേദിവസം വൈകിട്ട് 6 മണിമുതൽ പൊതുജനങ്ങൾക്കു മനസിലാക്കാം. ഇതോടെ ദൂരെ നിന്നും വരുന്ന രോഗികൾ തങ്ങൾ കാണാൻ ആഗ്രഹിച്ച ഡോക്ടർ മറ്റു ഡ്യൂട്ടിയിലോ അവധിയിലോ ആയതിനാൽ, കാണാനാവാതെ നിരാശയോടെ മടങ്ങുന്നത് ഒഴിവാക്കാൻ പറ്റും.