തൃശൂര്‍: തൃശൂരില്‍ മൂന്നിടങ്ങളില്‍ എടിഎമ്മുകള്‍ കൊള്ളയടിച്ച്‌ 65 ലക്ഷം രൂപയുമായി മുങ്ങിയ സംഘം തമിഴ്‌നാടില്‍ പിടിയില്‍. ഹരിയാനക്കാരായ സംഘം നാമക്കല്ലില്‍ വെച്ചാണ് തമിഴ്‌നാട് പൊലീസിന്റെ പിടിയിലായത്. കവര്‍്ചചാ സംഘത്തെ പിന്തുടര്‍ന്ന് ഏറ്റുമുട്ടലിലൂടെയാണ് കീഴ്‌പ്പെടുത്തിയത്.
ഏറ്റുമുട്ടലില്‍ മോഷ്ടാക്കളില്‍ ഒരാള്‍ ഒരാൾ കൊല്ലപ്പെട്ടു.ബാക്കിയുള്ള സംഘാംഗങ്ങളെ കസ്റ്റഡിയിലെടുത്ത് ചോദ്യം ചെയ്തുവരികയാണ്. മോഷ്ടിച്ച പണവും കാറും പ്രതികളെ കുറ്റകൃത്യങ്ങളുമായി ബന്ധിപ്പിക്കുന്ന മറ്റ് തെളിവുകളും പോലീസ് കണ്ടെടുത്തു. കേരളത്തിൽ എടിഎം കവർച്ചയ്‌ക്ക് ഉപയോഗിച്ച കണ്ടെയ്‌നറിനുള്ളിൽ കണ്ടെത്തിയത് അതേ വെള്ള നിറത്തിലുള്ള കാർ തന്നെയാണെന്ന് തൃശൂർ എസ്പി ഇളങ്കോ തമിഴ്‌നാട് പോലീസിനോട് സ്ഥിരീകരിച്ചു. സംഘത്തിൻ്റെ പ്രവർത്തനങ്ങളുടെ വ്യാപ്തിയും മറ്റ് ക്രിമിനൽ പ്രവർത്തനങ്ങളുമായുള്ള ബന്ധവും നിർണ്ണയിക്കാൻ അന്വേഷണം നടക്കുന്നു.