തൃശൂര്‍: തൃശ്ശൂരിലെ കുന്നംകുളത്ത് മദ്യലഹരിയില്‍ ബസ് ഓടിച്ച ഡ്രൈവര്‍മാര്‍ പോലീസ് പിടിയില്‍. അണ്ടത്തോട് സ്വദേശി അൻവര്‍, ഇയാല്‍ സ്വദേശി രബിലേഷ് തുടങ്ങുയവരാണ് പിടിയിലായത്. കുന്നംകുളം പുതിയ ബസ് സ്റ്റാൻഡില്‍ നടത്തിയ പരിശോധനയിലാണ് മദ്യലഹരിയില്‍ വാഹനമോടിച്ച ഡ്രൈവര്‍മാര പോലീസ് പിടികൂടിയത്. ബസ്സുകള്‍ പോലീസ് കസ്റ്റഡിയിലെടുത്തു. ഡ്രൈവര്‍മാരുടെ ലൈസൻസ് റദ്ദ് ചെയ്യുന്നതിന് റിപ്പോര്‍ട്ട് നല്‍കുമെന്ന് പോലീസ് അറിയിച്ചു.
അതേസമയം, മഞ്ചേരിയില്‍ യാത്രക്കാരനെ കാറിടിപ്പിച്ചു വീഴ്ത്തിയും വടിവാള്‍ വീശിയും എട്ട് ലക്ഷം രൂപ തട്ടിയത് കേസില്‍ നാലുപേര്‍ മഞ്ചേരി പോലീസിന്റെ പിടിയിലായി. പത്തനംതിട്ട അടൂര്‍ സ്വദേശികളായ സുജിത്ത് (20), രൂപൻ രാജ് (23), വടക്കേടത്തുകാവ് മുല്ലവേലി പടിഞ്ഞാറ്റേതില്‍ വീട്ടില്‍ സൂരജ് (23), അടൂര്‍ പന്നിവിഴ വൈശാഖം വീട്ടില്‍ സലിൻ ഷാജി (22) തുടങ്ങിയവരാണ് അറസ്റ്റ് ചെയ്തത്.