തിരുവല്ല: തിരുവല്ലയില്‍ നിന്ന് കാണാതായ 14കാരി വിദ്യാര്‍ഥിനിയെ സ്റ്റേഷനില്‍ എത്തിച്ച ശേഷം കടന്ന് കളയാൻ യുവാക്കളെ പിന്തുടര്‍ന്ന് പിടികൂടി പൊലീസ്. പെണ്‍കുട്ടിയെ സ്റ്റേഷനില്‍ എത്തിച്ച ശേഷം രണ്ടു പേരും ഓടി രക്ഷപ്പെടാന്‍ ശ്രമം നടത്തുകയായിരുന്നു. ഇതില്‍ ഒരാളെ ബസില്‍ പിന്തുടര്‍ന്നും മറ്റൊരാളെ അന്തിക്കാട് നിന്നുമാണ് പൊലീസ് അറസ്റ്റ് ചെയ്തത്.
തൃശൂര്‍ സ്വദേശികളായ അതുല്‍, അജില്‍ എന്നിവരാണ് അറസ്റിലായതെന്ന് പൊലീസ് അറിയിച്ചു. ഇവരെ രണ്ടുപേരെയും ചോദ്യം ചെയ്യുന്നത് തുടരുകയാണ്. ഇന്ന് പുലര്‍ച്ചെ നാലരയോടെയാണ് യുവാക്കള്‍ പെണ്‍കുട്ടിയെ തിരുവല്ല പൊലീസ് സ്റ്റേഷനില്‍ എത്തിക്കുന്നത്. പെണ്‍കുട്ടിയെ എത്തിച്ച ശേഷം യുവാക്കള്‍ ഇവിടെനിന്ന് നിന്ന് മുങ്ങുകയായിരുന്നു.
കഴിഞ്ഞ ദിവസം പെണ്‍കുട്ടിയുടേയും ഒപ്പമുണ്ടായിരുന്നവരുടേയും സിസി ടിവി ദൃശ്യങ്ങളടക്കം പൊലീസ് പുറത്ത് വിട്ടിരുന്നു. ഇതിന് പിന്നാലെയാണ് കുട്ടിയെ യുവാക്കള്‍ പൊലീസ് സ്റ്റേഷനില്‍ കൊണ്ടുവിടുന്നത്