മൂവാറ്റുപുഴ: സ്ത്രീകളെ കടന്നു പിടിച്ചെന്ന പരാതിയില്‍ മൂവാറ്റുപുഴ പൊലീസ് സ്റ്റേഷനിലെ രണ്ട് പൊലീസുകാര്‍ കസ്റ്റഡിയില്‍. അരീക്കല്‍ വെള്ളച്ചാട്ടം കാണാൻ എത്തിയവരോടാണ് പൊലീസുകാര്‍ അപമര്യാദയായി പെരുമാറിയത്. പൊലീസുകാരെ നാട്ടുകാര്‍ തടഞ്ഞുവച്ച്‌ മര്‍ദ്ദിച്ചിരുന്നു. ഇതിന്റെ ദൃശ്യങ്ങള്‍ പുറത്ത് വരികയും ചെയ്തിരുന്നു.
രാമമംഗലം പൊലീസ് ആണ് പ്രതികളെ കസ്റ്റഡിയില്‍ എടുത്തത്. അരീക്കല്‍ വെള്ളച്ചാട്ടം കാണാനെത്തിയ സ്ത്രീകളോട് അപമര്യാദയായി പെരുമാറിയെന്നാണ് പരാതി. ഈ രണ്ട് പൊലീസുകാരും വെള്ളച്ചാട്ടം കാണാനെത്തിയിരുന്നു. ഇവര്‍ മദ്യപിച്ച ശേഷം സ്ത്രീകളോട് മോശമായി പെരുമാറുകയായിരുന്നു. പരാതിയുടെ അടിസ്ഥാനത്തില്‍ രാമമംഗലം പൊലീസ് ഇവരെ കസ്റ്റഡിയിലെടുക്കുകയായിരുന്നു