കൊച്ചി: എറണാകുളം സൗത്ത് റെയില്‍വേ സ്‌റ്റേഷനിലെ തിരുവനന്തപുരത്തുനിന്ന് ഷൊര്‍ണൂരിലേക്ക് സര്‍വീസ് നടത്തുന്ന വേണാട് എക്‌സ്പ്രസിന്‍റെ സ്‌റ്റോപ്പ് നിർത്തലാക്കുന്നു. സൗത്തില്‍ ട്രെയിൻ മേയ് ഒന്നു മുതല്‍ പ്രവേശിക്കുന്നതായിരിക്കില്ല. സൗത്ത് സ്‌റ്റേഷനില്‍ എത്താതെ തന്നെ നോര്‍ത്ത് റെയില്‍വേ സ്‌റ്റേഷനില്‍‌നിന്ന് തിരിഞ്ഞ് പോകുകയാവും ഷൊര്‍ണൂര്‍ നിന്ന് തിരിച്ചുള്ള സര്‍വീസിലും ചെയ്യുക.
സൗത്ത് സ്റ്റേഷന്‍ ഒഴിവാക്കുന്നത് എന്‍ജിന്‍ മാറ്റി സ്ഥാപിക്കുന്നതിനും മറ്റ് ട്രെയ്‌നുകള്‍ക്കായി നിര്‍ത്തിയിടേണ്ടി വരുന്നതും മൂലം സമയം നഷ്ടമാകുന്നതിനാലാണെന്നാണ് റെയില്‍വെ നല്‍കിയ വിശദീകരണം