കുമളി: സ്കൂൾ വിദ്യാർത്ഥിനിയായ എട്ടു വയസുകാരിയെ പീഡിപ്പിക്കാൻ ശ്രമിച്ചയാളെ പൊലീസ് പിടികൂടി. തിങ്കളാഴ്ച വൈകിട്ട് പ്രതിയുടെ വീടിനു സമീപത്തുകൂടെ സ്കൂൾ വിട്ട് വരുന്ന വഴിക്കാണ് പെൺകുട്ടിക്കു നേരെ അതിക്രമം നടന്നത്.
ഓടിരക്ഷപ്പെട്ട പെൺകുട്ടി നൽകിയ വിവരമനുസരിച്ച് രക്ഷിതാക്കളുടെ പരാതിയിൽ കുമളി ചെങ്കര പുതുക്കാട് രാകേഷ്ഭവനില്‍ മാരിമുത്തുവിനെ ( അപ്പച്ചൻ- 52) കുമളി പൊലീസ് അറസ്റ്റ് ചെയ്തു. കസ്റ്റഡിയിലെടുത്ത പ്രതിയെ പീരുമേട് കോടതിയില്‍ ഹാജരാക്കി റിമാൻഡ് ചെയ്തു.