സംസ്ഥാന സ്കൂള്‍ കലോത്സവത്തിന് നാളെ (ജനുവരി 4) കൊല്ലത്ത് തിരിതെളിയുമ്ബോള്‍ മത്സരാര്‍ഥികളുടെ യാത്രാസൗകര്യം കൂടുതല്‍ സുഗമമാക്കുന്നതിന്റെ ഭാഗമായി സജ്ജീകരിച്ചിട്ടുള്ള സൗജന്യ ഓട്ടോ സര്‍വീസിന്റെ ഉദ്ഘാടനം ചിന്നക്കട റെസ്റ്റ് ഹൗസ് അങ്കണത്തില്‍ പൊതുവിദ്യാഭ്യാസ-തൊഴില്‍ വകുപ്പ് മന്ത്രി വി ശിവൻകുട്ടി നിര്‍വഹിച്ചു. ചിന്നക്കട റെസ്റ്റ് ഹൗസില്‍ നിന്നും ക്രേവൻ എല്‍ എം എസ്. ഹൈസ്കൂളിലേക്ക് ഓട്ടോയില്‍ സഞ്ചരിച്ചാണ് മന്ത്രി ഉദ്ഘാടനം നിര്‍വഹിച്ചത്.