ന്യൂഡല്‍ഹി: ലോകമെമ്ബാടുമുള്ള മലയാളികള്‍ക്ക് ഓണാശംസകള്‍ നേര്‍ന്ന് രാഷ്ട്രപതിയും ഉപരാഷ്ട്രപതിയും. സാഹോദര്യം പടരാനും പുരോഗതിയിലേക്ക് നയിക്കാനും ഓണാഘോഷം സഹായിക്കട്ടെയെന്ന് രാഷ്ട്രപതി ദ്രൗപദി മുര്‍മു സന്ദേശത്തില്‍ പറഞ്ഞു. കേരളത്തിന്റെ സമ്ബന്നമായ സാംസ്കാരിക പൈതൃകത്തിന്റെ പ്രതീകം കൂടിയാണ് ഓണം.
ജാതി മത വ്യത്യാസങ്ങള്‍ ഇല്ലാതെ എല്ലാവരും ആഘോഷിക്കുന്ന ഓണം സാമൂഹ്യ സൗഹാര്‍ദ്ദത്തിന്റെ ഉത്സവം കൂടിയാണ്. രാഷ്ട്രപതി അഭിപ്രായപ്പെട്ടു. ഓണാശംസയുമായി എം കെ സ്റ്റാലിന്‍ മലയാളികള്‍ക്ക് തമിഴ്നാട് മുഖ്യമന്ത്രി എം കെ സ്റ്റാലിൻ ഓണാശംസകള്‍ നേര്‍ന്നു.
ഭാഷാ അടിസ്ഥാനത്തില്‍ നമ്മള്‍ സഹോദരങ്ങളാണെന്നും തെക്കെയിന്ത്യയിലെ പുരോഗമന ആശയങ്ങള്‍ രാജ്യം മുഴുവനും പടരുന്ന വര്‍ഷമാകട്ടെയെന്നും എം കെ സ്റ്റാലിൻ ആശംസയില്‍ അറിയിച്ചു.