കോതമംഗലം: സാധാരണക്കാർക്ക് വേണ്ടി പ്രവർത്തിക്കുന്ന മാവേലിസ്റ്റോർ പോലെയുള്ള പൊതുവിതരണ സ്റ്റോറുകളിൽ അവശ്യ സാധനങ്ങൾ ഇല്ലാത്തതിൽ കോൺഗ്രസ് റീത്ത് സമർപ്പിച്ച് പ്രതിഷേധിച്ചു. കോതമംഗലം കോൺഗ്രസ് ബ്ലോക്ക് കമ്മിറ്റിയുടെ നേതൃത്വത്തിൽ സപ്ലൈകോ സൂപ്പർമാർക്കറ്റിന് മുൻപിലാണ് റീത്ത് സമർപ്പിച്ച പ്രതിഷേധം നടത്തിയത്.
പ്രസിഡന്റ് ഷെമീർ പനയ്ക്കലിന്റെ അധ്യക്ഷതയിൽ നടന്ന ചടങ്ങ് ബ്ലോക്ക് പഞ്ചായത്ത് പ്രസിഡന്റ് പിഎഎം.ബഷീർ ഉദ്ഘാടനം ചെയ്തു. കോൺഗ്രസ് പ്രവർത്തകരായ ബാബു ഏലിയാസ്, കെ.പി.ബാബു, അബു മൊയ്തു, പ്രിൻസ് വർക്കി, അനൂപ് ജോർജ്, അനൂപ് കാസീം, നോബിൾ ജോസഫ്, എ.ബി.റെജി, സൈജന്റ് ചാക്കോ, സി.ജെ.എൽദോസ്, നജീബ് റഹ്മാൻ, സീതി മുഹമ്മദ്, സത്താർ വട്ടക്കുടി, പി.ടി.ഷിബി തുടങ്ങിയവർ പങ്കെടുത്തു.