പോപ്പുലര്‍ ഫ്രണ്ട് നേതാവിന്‍റെ റിസോര്‍ട്ട് എൻഫോഴ്സ്മെന്‍റ് ഡയറക്‌ടറേറ്റ് (ഇഡി) കണ്ടുകെട്ടി. സംസ്ഥാന വൈസ് പ്രസിഡന്‍റ് എൻ.കെ.അഷ്റഫിന്‍റെ ഉടമസ്ഥതയിലുള്ള ഇടുക്കി മാങ്കുളത്ത് 2.53 കോടി രൂപയുടെ മൂല്യമുള്ള ‘മൂന്നാര്‍ വില്ല വിസ്ത’ എന്ന റിസോര്‍ട്ടാണ് ഇഡി കണ്ടുകെട്ടിയത്.
6.75 ഏക്കര്‍ ഭൂമിയില്‍ നാല് വില്ലകള്‍ ഉള്‍പ്പെടുന്നതാണ് വിസ്ത. തൊടുപുഴയില്‍ അധ്യാപകന്‍റെ കൈവെട്ടിയ കേസിലെ പ്രതികള്‍ക്ക് ഈ റിസോര്‍ട്ടുമായി ബന്ധമുണ്ടെന്ന് എൻഐഎ മുൻപ് കണ്ടെത്തിയിരുന്നു. ഇതിന് പിന്നാലെയാണ് ഇഡിയുടെ നടപടി. വിസ്ത കള്ളപ്പണം വെളുപ്പിക്കുന്നതിന്‍റെ ഭാഗമാണെന്ന് ഇഡിയുടെ അന്വേഷണത്തില്‍ നേരത്തെ കണ്ടെത്തിയിരുന്നു.