ഇടുക്കി: നെടുങ്കണ്ടം തൂക്കുപാലത്ത് ഓട്ടോ ഡ്രൈവറെ വടിവാളുകൊണ്ട് വെട്ടിപ്പരിക്കേല്‍പ്പിച്ചു. ബാലഗ്രാം സ്വദേശി ഹരിക്കാണ് വെട്ടേറ്റത്. നിരവധി കേസുകളില്‍ പ്രതിയായ സന്തോഷ് ആണ് ഹരിയെ ആക്രമിച്ചത്. ഓട്ടോറിക്ഷ ഡ്രൈവറായ ഹരി, സ്കൂള്‍ ട്രിപ്പ് കഴിഞ്ഞ് തിരികെ വരുമ്ബോള്‍ രാവിലെ ഒമ്ബതോടെ തൂക്കുപാലം ടൗണില്‍ വെച്ച്‌ സന്തോഷ് തടയുകയായിരുന്നു. തുടര്‍ന്ന് ഇരുവരും തമ്മില്‍ വാക്കേറ്റമുണ്ടായി. ഇതിനിടെ കയ്യില്‍ കരുതിയിരുന്ന വടിവാള്‍ ഉപയോഗിച്ച്‌ സന്തോഷ് ഹരിയെ വെട്ടുകയായിരുന്നു.
വെട്ടേറ്റ് നിലത്ത് വീണ ഹരിയെ നാട്ടുകാര്‍ ചേര്‍ന്നാണ് ആശുപത്രിയില്‍ എത്തിച്ചത്. കൈക്ക് ഗുരുതരമായി പരിക്കേറ്റ ഹരി തൂക്കുപാലത്തെ സ്വകാര്യ ആശുപത്രിയില്‍ ചികിത്സയിലാണ്. കാറില്‍ കയറി രക്ഷപെട്ട സന്തോഷിനായി നെടുങ്കണ്ടം പൊലീസ് അന്വേഷണം ആരംഭിച്ചു. മുൻവൈരാഗ്യമാണ് സംഭവത്തിന് കാരണമെന്നാണ് പ്രാഥമിക നിഗമനം. ഒരുമാസം മുമ്ബും ഹരിയും സന്തോഷും ബാലഗ്രാം ടൗണില്‍ വച്ച്‌ ഏറ്റുമുട്ടിയിരുന്നു