എൻ.ഡി.എ പഞ്ചായത്ത് തലയാത്രക്ക് തുടക്കം കുറിച്ചു കൊണ്ട് മാവേലിക്കര തെക്കെകര വടക്ക് ഏരിയായിൽ പല്ലാരിമംഗലത്ത് നരേന്ദ്രപ്രസാദിന്റെ സ്മൃതി മണ്ഡപത്തിൽ ബി.ജെ.പി മാവേലിക്കര മണ്ഡലം പ്രസിഡന്റ് അഡ്വ കെ.കെ. അനൂപിന്റെ നേതൃത്വത്തിൽ പുഷ്പാർച്ചന നടത്തി. മലയാള സിനിമയെ അഭിനയ മികവുകൊണ്ട് പുതിയ തലങ്ങളിലേക്ക് ഉയർത്തിയ അദ്ധേഹം മികച്ച നിരൂപകനും എഴുത്തുകാരനും ആയിരുന്നു. അന്യം നില്ക്കുമായിരുന്ന നാടക കലക്ക് ദിശാബോധം നല്കാൻ നരേന്ദ്രപ്രസാദ് നൽകിയ സംഭാവനകൾ വിസ്മരിക്കാൻ കഴിയുകയില്ല എന്നും അദ്ദേഹം പറഞ്ഞു.
പുഷ്പ്പാർച്ചനക്ക് തെക്കെകര വടക്ക് ഏരിയ കമ്മിറ്റി പ്രസിഡന്റ് അഭിലാഷ് വിജയൻ, ജനറൽ സെക്രട്ടറി ബിജു പല്ലാരിമംഗലം, മണ്ഡലം കമ്മിറ്റിയംഗം ചിത്തരേശ കുറുപ്പ്, ഏരിയ സെക്രട്ടറി സുകു തണൽ എന്നിവർ നേതൃത്വം നൽകി. തുടർന്ന് തെക്കെകരയിലെ നിരവധി സാമൂഹിക സാംസ്കാരിക നേതാക്കൻമാരുമായി സമ്പർക്കം നടത്തി.