മനസുനിറഞ്ഞ ആദരവോടെ അന്തരിച്ച മുൻമുഖ്യമന്ത്രി ഉമ്മൻചാണ്ടിയെക്കുറിച്ചുള്ള ഷോർട്ട് ഫിലിം റിലീസ് ചെയ്തു. ഉമ്മൻചാണ്ടിയുടെ മകൾ ഡോ:മരിയ ഉമ്മൻചാണ്ടിയുടെ ഒഫീഷ്യൽ ഫേസ്ബുക്ക് പേജിലൂടെയാണ് ചിത്രം റിലീസ് ചെയ്തിട്ടുള്ളത്.
കുറവിലങ്ങാട് സ്വദേശിയായ സഞ്ജു പുത്തൻപുരയ്ക്കൽ രചനയും, സംവിധാനവും നിർവഹിക്കുന്ന ചിത്രത്തിൽ ഉമ്മൻചാണ്ടിയായി പ്രേക്ഷകർക്ക് മുന്നിലെത്തുന്നത് ടെലിവിഷൻ താരം സന്തോഷ് പ്രഭയാണ്. ചിത്രത്തിന്റെ ക്യാമറ അനിൽ.പി.സാമുവൽ, പശ്ചാത്തലസംഗീതം അനിറ്റ്.പി.ജോയി, ആർട്ട് ഡയറക്ടർ മധു പുത്തൻകുളവുമാണ്.
കുറവിലങ്ങാട് സ്വദേശികളായ സഞ്ജു പുത്തൻപുരയ്ക്കൽ, എസ്.ജെ.ബിജോ, സുനിൽ ആശാൻ, മധു എന്നിവരുടെ നേത്യത്വത്തിലുള്ള ന്യൂബീറ്റ്സ് എന്റർടെയ്നേഴ്സും ആശാൻ കമ്പനിയും സംയുക്തമായാണ് ചിത്രം നിർമ്മിച്ചിരിക്കുന്നത്.