വടക്കാഞ്ചേരി: തൃശൂർ കുണ്ടന്നൂരില്‍ വൻ വിദേശ മദ്യവേട്ട. 75 ലിറ്റർ ഇന്ത്യൻ നിർമിത വിദേശമദ്യം വടക്കാഞ്ചേരി പോലീസ് പിടിച്ചെടുത്തു. കുണ്ടന്നൂർ മേക്കാട്ടുകുളം കൊച്ചു പോളിന്‍റെ വീടിനു മുന്നിലുള്ള പറമ്ബില്‍ ചാക്കിലാക്കി കുഴിച്ചിട്ട അര ലിറ്ററിന്‍റെ 150 കുപ്പി മദ്യമാണ് പോലീസ് പിടിച്ചെടുത്തത്.
പ്രതി പോലീസിനെ വെട്ടിച്ച്‌ ഓടി രക്ഷപ്പെട്ടു. നേരത്തെയും ഇയാളില്‍നിന്നും മദ്യം പോലീസ് പിടികൂടിയിരുന്നു. ലോക്സഭാ തെരഞ്ഞെടുപ്പ് ഫലം വരുന്ന ദിവസം വില്‍പ്പന നടത്താനും, ഒന്നാം തീയതി ബീവറേജുകളും ബാറുകളും അവധിയായതിനാല്‍ അനധികൃത വിപണനം നടത്തുന്നതിനുമായും സൂക്ഷിച്ചിരുന്ന മദ്യമാണ് പിടിച്ചെടുത്തതെന്ന് പോലീസ് പറഞ്ഞു.