പാരിസ്: പാരിസ് ഒളിംപിക്സ് വനിത സിംഗിള്‍സിലെ ആദ്യ മത്സരത്തില്‍ ഇന്ത്യയുടെ പി വി സിന്ധുവിന് ജയം. മാലിദ്വീപിന്റെ ഫാത്തിമ അബ്ദുള്‍ റസാഖിനെയാണ് സിന്ധു ആദ്യ മത്സരത്തില്‍ പരാജയപ്പെടുത്തിയത്. സ്കോർ 21-9, 21-6. ഗ്രൂപ്പ് ഘട്ടത്തില്‍ സിന്ധുവിന്റെ അടുത്ത മത്സരം ജൂലൈ 31നാണ്. എസ്റ്റോണിയൻ താരം ക്രിസ്റ്റിൻ കുബയാണ് സിന്ധുവിന്റെ എതിരാളി. ഗ്രൂപ്പ് ഘട്ടത്തിലെ സമ്ബൂർണ ജയമാണ് ഇന്ത്യൻ താരത്തിന്റെ ലക്ഷ്യം. 2016ല്‍ റിയോ ഒളിംപിക്സില്‍ വെള്ളിയും 2021ല്‍ ടോക്കിയോയില്‍ വെങ്കല മെഡലും സ്വന്തമാക്കിയ പി വി സിന്ധു പാരിസില്‍ സുവർണമെഡല്‍ പ്രതീക്ഷയിലാണ്.