കോതമംഗലം: നബിദിന റാലിയിലേക്ക് വിരണ്ടോടിയ പോത്ത് പാഞ്ഞു കയറിയതിനെ തുടർന്ന് ആളുകൾ ഭയന്നോടുകയും നിരവധിപേർക്ക് പരിക്കേൽക്കുകയും ചെയ്തു. വ്യാഴാഴ്ച രാവിലെ നെല്ലിക്കുഴി -ചെറുവട്ടൂർ കോട്ടേപീടിക നൂറുൽ ഇസ്‌ലാം മദ്രസക്കു സമീപമാണ് സംഭവം നടന്നത്. വിരണ്ടോടി എത്തിയ പോത്തിന്റെ ആക്രമണത്തിലും, ആളുകൾ ഭയന്നോടിയതിനെ തുടർന്നും റാലിയിൽ പങ്കെടുത്ത നിരവധി മദ്രസ വിദ്യാർത്ഥികൾക്കും, സ്ത്രീകൾക്കും പരിക്കേറ്റു. റാലിയുടെ മുന്നിൽ ഉണ്ടായിരുന്ന കുട്ടികൾക്കിടയിലേക്കാണ് പോത്ത് വിരണ്ടോടി എത്തിയത്. സമീപങ്ങളിൽ ഉണ്ടായിരുന്നവരും മറ്റും ചേർന്ന് പോത്തിനെ പിടിച്ചു കെട്ടിയതിനാൽ കൂടുതൽ അനിഷ്ട സംഭവങ്ങൾ ഉണ്ടായില്ല.