കോതമംഗലം: സ്ഥിരമായി മുക്കുപണ്ടം പണയം വച്ച് പണം തട്ടുന്ന യുവാവിനെ കോതമംഗലം പോലീസ് അറസ്റ്റ് ചെയ്തു. ഇടുക്കി ബൈസൺവാലി പൊട്ടൻകാട് സ്വദേശി ബോബി ഫിലിപ്പിനെയാണ് കോതമംഗലംശോഭനസ്കൂളിനു സമീപമുള്ള സ്വകാര്യ ധനകാര്യ സ്ഥാപനത്തിൽ മുക്കുപണ്ടം പണയം വച്ച് ലക്ഷങ്ങൾ തട്ടിയ സംഭവത്തിൽ പിടികൂടിയത്.
സ്ഥിരമായി ധനകാര്യ സ്ഥാപനങ്ങളിൽ മുക്കുപണ്ടം പണയം വച്ച് പണം തട്ടുന്ന പ്രതി ബുധനാഴ്ച ഉച്ചയ്ക്ക് ശോഭന സ്കൂളിനു സമീപം ധനകാര്യ സ്ഥാപനത്തിൽ മൂന്നാം വട്ടം സ്വർണം പണയം വയ്ക്കാൻ ചെന്നപ്പോഴാണ് പിടിയിലായത്. കോട്ടയം, എറണാകുളം, ഇടുക്കി, ആലപ്പുഴ ജില്ലകളിലെ വിവിധ സ്റ്റേഷനുകളിലായി നാല്പതോളം കേസ്സുകളിൽ പ്രതിയാണ് ബോബി.