കോഴിക്കോട്: മുക്കത്ത് ഭാര്യയെ വെട്ടിപരിക്കേല്‍പ്പിച്ചശേഷം രക്ഷപ്പെട്ടയാളെ മരിച്ചനിലയില്‍ കണ്ടെത്തി. മുക്കം പൂളപ്പൊയില്‍ സ്വദേശി പൈട്ടൂളിചാലില്‍ മുസ്തഫയെയാണ് ചൊവ്വാഴ്ച രാവിലെ കൃഷിയിടത്തില്‍ തൂങ്ങിമരിച്ചനിലയില്‍ കണ്ടത്. തിങ്കളാഴ്ച വൈകിട്ടാണ് മുസ്തഫ ഭാര്യ ജമീലയെ വെട്ടിപരിക്കേല്‍പ്പിച്ചത്.
മുസ്തഫയുടെ മുത്തേരിയിലുള്ള അനുഗ്രഹ ഹോട്ടലില്‍വെച്ച്‌ വൈകിട്ട് 5.45-ഓടെയായിരുന്നു അക്രമം. ഭാര്യയെ വെട്ടിപരിക്കേല്‍പ്പിച്ചശേഷം മുസ്തഫ ഹോട്ടലില്‍നിന്ന് ഓടിരക്ഷപ്പെടുകയായിരുന്നു. ഗുരുതരമായി പരിക്കേറ്റ ജമീല സ്വകാര്യ ആശുപത്രിയില്‍ ചികിത്സയിലാണ്.