മുഖ്യമന്ത്രി പിണറായി വിജയന്റെ അകമ്പടി വാഹനവ്യൂഹത്തിലെ ആംബുലന്‍സ്‌, കാറുമായി കൂട്ടിയിടിച്ച്‌ അഞ്ചു പേര്‍ക്കു പരുക്കേറ്റു. ഇന്നലെ വൈകിട്ട്‌ അഞ്ചരയ്‌ക്കു പുനലൂര്‍-മൂവാറ്റുപുഴ ഹൈവേയില്‍ കരിമ്പനക്കുളം കുരിശടിക്കു സമീപമാണ്‌ അപകടമുണ്ടായത്‌. ബന്ധുവീട്ടില്‍ വന്നു തിരികെ പോയവര്‍ സഞ്ചരിച്ച കാറാണ്‌ ആംബുലന്‍സുമായി കൂട്ടിയിടിച്ചത്‌.
നെടുംകുന്നം പാഴൂര്‍ തോമസ്‌ മാത്യു (52), ഭാര്യ മിനി മാത്യു (51), മിനി മാത്യുവിന്റെ അനുജത്തി റാണി (34), ജുവാന്‍ മരിയ (5), ഇവാന്‍ (6) എന്നിവര്‍ക്കാണു പരുക്കേറ്റത്‌. വാഹനവ്യൂഹത്തിലെ അഗ്നിരക്ഷാ സേനയുടെ വണ്ടിയില്‍ പരുക്കേറ്റവരെ കാഞ്ഞിരപ്പള്ളിയിലെ സ്വകാര്യ ആശുപത്രിയില്‍ എത്തിച്ചു. മുഖ്യമന്ത്രി എറണാകുളത്തെ പരിപാടി കഴിഞ്ഞു മടങ്ങിപ്പോകുമ്ബോഴായിരുന്നു അപകടം