കൊച്ചി: എറണാകുളം മേക്കപ്പാല ഫോറസ്റ്റ് സ്റ്റേഷന് അടുത്തായി കാട്ടാന ഷോക്കേറ്റ് ചരിഞ്ഞ സംഭവത്തില്‍ വനംവകുപ്പിന്‍റെ അന്വേഷണം. ആന സ്വയം കുത്തി മറിച്ചിട്ട പന, വൈദ്യുതി ലൈനില്‍ തട്ടി ഷോക്കേറ്റതാണ് ആന ചരിഞ്ഞതെന്ന് സ്ഥിരീകരണമായെങ്കിലും കൂടുതല്‍ അന്വേഷണം നടത്താനാണ് തീരുമാനം. ഇന്ന് 3 മണിക്ക് പെരുന്തോട് ആന ശ്മാശാനത്തിന് സമീപം പോസ്റ്റ്‌മോർട്ടം സംഘടിപ്പിച്ചിരുന്നു. ഇതിന് ശേഷമാണ് വിശദമായ അന്വേഷണം സംഘടിപ്പിക്കുമെന്ന് വനംവകുപ്പ് അറിയിച്ചത്. അതേസമയം കഴിഞ്ഞ ദിവസവും മേഖലയില്‍ കാട്ടനക്കൂട്ടം എത്തിയിരുന്നു.