അടിമാലി: മാങ്കുളത്തിനും ആനക്കുളത്തിനും ഇടയിൽ ടെമ്പോ ട്രാവലർ താഴ്ചയിലേക്ക് മറിഞ്ഞുണ്ടായ അപകടത്തിൽ രണ്ടുപേർ മരിക്കുകയും, നിരവധി പേർക്ക് പരിക്കേൽക്കുകയും ചെയ്തിട്ടുണ്ട്. തമിഴ്നാട് സ്വദേശികളായ വിനോദസഞ്ചാരികൾ സഞ്ചരിച്ചിരുന്ന വാഹനമാണ് അപകടത്തിൽ പെട്ടത്.
അടിമാലിയിൽ നിന്നും ഒന്നരമണിക്കൂർ യാത്രാദൂരമുള്ളതിനാൽ ഫയർഫോഴ്സിനും, ആംബുലൻസിനും എത്തിപ്പെടാൻ താമസം ഉണ്ടെങ്കിലും നാട്ടുകാർ ഊർജ്ജിതമായി രക്ഷാപ്രവർത്തനം നടത്തുന്നുണ്ട്. പരിക്കേറ്റവരെ അടിമാലി താലൂക്ക് ആശുപത്രിയിലേക്ക് എത്തിച്ചു.