തൃശൂർ: ഇരിങ്ങാലക്കുട എക്സൈസ് സംഘമാണ് 72ലിറ്റർ വിദേശമദ്യവുമായി കാറിലെത്തിയ യുവാവിനെയും, യുവതിയെയും പിടികൂടിയത്. കോഴിക്കോട് മലാപ്പറമ്പ് പാറപ്പുറത്ത് വീട്ടിൽ ഡാനിയേൽ, കുറ്റിച്ചിറ വലിയവീട്ടിൽ ഷാഹിന എന്നിവരാണ് കസ്റ്റഡിയിൽ ഉള്ളത്.
മാഹിയിൽ നിന്നും അനധികൃതമായി വിദേശമദ്യം നടത്തുന്നുവെന്ന എക്സൈസിന് ലഭിച്ച രഹസ്യ വിവരത്തെ തുടർന്ന് കൊടകര ആളൂർ റോഡിൽ പാലത്തിനു സമീപം നടത്തിയ പരിശോധനയിലാണ് വ്യാഴാഴ്ച രാവിലെ ഇരുവരും മദ്യക്കുപ്പികളുമായി പിടിയിലായത്. പരിശോധനകളൽ നിന്നും രക്ഷപ്പെടാനായി ദമ്പതികൾ എന്ന വ്യാജേനയാണ് ഇരുവരും പെരുമാറിയിരുന്നത്.