തൃശൂര്‍: മദ്യപിച്ച്‌ വണ്ടിയോടിച്ച ആംബുലൻസ് ഡ്രൈവര്‍ മോട്ടോര്‍ വാഹന വകുപ്പിന്റെ പിടിയില്‍. തൃശൂര്‍ പാലിയേക്കരയില്‍ മദ്യപിച്ച്‌ വണ്ടിയോടിച്ച ആംബുലൻസ് ഡ്രൈവറെ മോട്ടോര്‍ വാഹന വകുപ്പ് ഉദ്യോഗസ്ഥര്‍ പിടിച്ചത്. സേഫ് ആന്റ് ഫാസ്റ്റ് ആംബുലൻസ് ഡ്രൈവറാണ് പിടിയിലായ കെ ടി റെനീഷ്.
മോട്ടോര്‍ വാഹന വകുപ്പിന്റെ തൃശൂര്‍ എൻഫോഴ്സ്മെന്റ് സ്ക്വാഡാണ് കെ ടി റെനീഷിനെ പിടികൂടിയത്. ലൈറ്റിട്ട് വേഗം കൂട്ടി ഡ്രൈവര്‍ രക്ഷപ്പെടാൻ ശ്രമിച്ചിരുന്നുവെന്ന് ഉദ്യോഗസ്ഥര്‍ വ്യക്തമാക്കുന്നു. ഇയാളുടെ ലൈസൻസ് മോട്ടോര്‍ വാഹന വകുപ്പ് സസ്പെൻഡ് ചെയ്തു.