കണ്ണൂര്‍: മദ്യലഹരിയില്‍ വനിതാ എസ്‌ഐയെ ആക്രമിച്ച യുവതി അറസ്റ്റില്‍. തലശേരി കൂളി ബസാര്‍ സ്വദേശിനി റസീന ആണ് അറസ്റ്റിലായത്. നടുറോഡില്‍ ഇവര്‍ നാട്ടുകാരെയും ആക്രമിച്ചിരുന്നു . ഇന്ന് വൈകിട്ട് തലശേരി കിഴവന്തിമുക്കില്‍ മദ്യലഹരിയില്‍ സുഹൃത്തിനൊപ്പമെത്തിയ യുവതി, നാട്ടുകാരുമായി വാക്കുതര്‍ക്കമുണ്ടാവുകയും തുടര്‍ന്ന് ഇവര്‍ നാട്ടുകാരെ മര്‍ദിക്കുകയുമായിരുന്നു. തൊട്ടുപിന്നാലെ തലശേരി വനിതാ എസ്‌ഐ ഇവിടെയെത്തി. തുടര്‍ന്ന് യുവതിയെ പോലീസ് കസ്റ്റഡിയിലെടുത്തു.
വൈദ്യപരിശോധനയ്ക്കായി പോലീസ് വാഹനത്തില്‍ ആശുപത്രയില്‍ കൊണ്ടുപോകുന്നതിനിടെ എസ്‌ഐയെ ഇവര്‍ ആക്രമിക്കുകയായിരുന്നു. ഈ സംഭവത്തിലാണ് റസീനയ്ക്കെതിരെ ഇപ്പോള്‍ കേസെടുത്തത്. കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.