ഇടുക്കി: വണ്ടിപ്പെരിയാർ അമ്പത്തൊമ്പതാം മൈലിന് സമീപമാണ് ഞായറാഴ്ച വൈകിട്ട് അഞ്ചു മണിയോടെ പിക്കപ്പ് വാനുകൾ കൂട്ടിയിടിച്ച് അപകടമുണ്ടായത്. തൊടുപുഴയിൽ നിന്നും കുമളിയിലേക്ക് ലോഡുമായി പോയ പിക്കപ്പ് വാൻ വളവിൽ വച്ച് ബ്രേക്ക് പിടിക്കുന്നതിനിടെയാണ് റോഡിലൂടെ തെന്നിനീങ്ങി എതിരെ വന്ന പിക്കപ്പ് വാനിലേക്ക് ഇടിച്ചു കയറിയത്.
ഞായറാഴ്ച ഉച്ചകഴിഞ്ഞ് പ്രദേശത്ത് നല്ല മഴ പെയ്ത് റോഡാകെ നനഞ്ഞു കിടക്കുന്ന അവസ്ഥയിലായിരുന്നു. അപകടത്തിൽ പരിക്കേറ്റ തൊടുപുഴ സ്വദേശിയായ ഡ്രൈവറെ പീരുമേട് ആശുപത്രിയിൽ പ്രവേശിപ്പിച്ചു. അപകടത്തെ തുടർന്ന് തടസപ്പെട്ട ഗതാഗതം ഏറെനേരത്തിനു ശേഷം വണ്ടിപ്പെരിയാറിൽ നിന്നെത്തിയ പോലീസ് സംഘമാണ് പുനഃസ്ഥാപിച്ചത്.