പാലക്കാട്: വയോധികയുടെ മാല കവർന്ന പ്രതി പിടിയില്‍. പാലക്കാട് മണ്ണൂർ സ്വദേശി പ്രവീണ്‍ (24) ആണ് പിടിയിലായത്. കഴിഞ്ഞ ഓഗസ്റ്റിലാണ് ഇയാള്‍ വയോധികയുടെ മാല പൊട്ടിച്ചത്. വീട്ടിലേക്ക് പോകുകയായിരുന്ന വയോധികയുടെ അടുത്തേക്ക് വഴി ചോദിക്കാൻ എന്ന വ്യാജേന ബൈക്ക് നിർത്തിയശേഷമാണ് ഇയാള്‍ മാല പൊട്ടിച്ചത്. തുടർന്ന് ഇയാള്‍ ബൈക്കില്‍ കടന്നുകളഞ്ഞു. പിന്നീട് സിസിടിവി ദൃശ്യങ്ങള്‍ കേന്ദ്രീകരിച്ച്‌ പോലീസ് നടത്തിയ അന്വേഷണത്തിലാണ് പ്രതി പിടിയിലായത്.