കോതമംഗലം: ആന്റണി ജോൺ എംഎൽഎയ്ക്കൊപ്പം കോതമംഗലത്ത് വിവിധയിടങ്ങളിൽ നടന്ന ചടങ്ങുകളിൽ ഉദ്ഘാടകനായി വ്യവസായ -നിയമവകുപ്പ് മന്ത്രി പി.രാജീവ് പങ്കെടുത്തു.കുത്തുകുഴി സർവീസ് സഹകരണ ബാങ്കിന്റെ ശതാബ്ദി ആഘോഷങ്ങളുടെ ഉദ്ഘാടനം, അയ്യങ്കാവ് ഗവൺമെന്റ് ഹൈസ്കൂളിന്റെ പുതിയ മന്ദിരത്തിന്റെ ശിലാസ്ഥാപനം, കറുകടം സോഷ്യൽ വെൽഫെയർ സഹകരണ സംഘത്തിന്റെ പുതിയ ഓഫീസ് ഉദ്ഘാടനം എന്നിവയാണ് മന്ത്രി പി.രാജീവ് നിർവഹിച്ചത്.
കൂടാതെ നെല്ലിക്കുഴിയിൽ പണി പൂർത്തിയാക്കിയ വീടുകളുടെ താക്കോൽ കൈമാറ്റവും, പുതിയതായി നിർമ്മിക്കുന്ന ലൈഫ് മിഷൻ ഫ്ലാറ്റ് സമുച്ചയങ്ങളുടെ ശിലാസ്ഥാപനകർമ്മവും മന്ത്രി നിർവഹിച്ചു.