കോതമംഗലം: ഈ മാസം പതിനെട്ടാം തീയതി കോതമംഗലം താലൂക്ക് ആശുപത്രിയിൽ ചികിത്സക്കായി എത്തിയ മൂവാറ്റുപുഴ മാറാടി സ്വദേശി ബിജുവിന്റെ ഓട്ടോറിക്ഷ മോഷ്ടിച്ച് കടന്നു കളഞ്ഞ പ്രതിയെ പോലീസ് പിടികൂടി. സിസിടിവി ദൃശ്യങ്ങളുടെ അടിസ്ഥാനത്തിൽ തൃശ്ശൂരിൽ താമസിക്കുന്ന കോട്ടയം സ്വദേശി പ്രദീപിനെയാണ് പോലീസ് കസ്റ്റഡിയിലെടുത്തത്. പിടിക്കപ്പെടുമെന്ന് ഉറപ്പായതിനെ തുടർന്ന് പ്രതി ഓട്ടോറിക്ഷ ഉപേക്ഷിക്കുകയും ബാറ്ററി അഴിച്ചെടുത്ത് വിൽക്കുകയും ചെയ്തിരുന്നു.