മലയാറ്റൂർ: കൂട്ടുകാർക്കൊപ്പം പുഴയില്‍ കുളിക്കാനിറങ്ങിയ വിദ്യാര്‍ഥി കയത്തിൽ മുങ്ങിമരിച്ചു. മലയാറ്റൂർ ആറാട്ടുകടവിൽ വച്ച് വ്യാഴാഴ്ച വൈകിട്ട് അഞ്ചരയോടെയാണ് സംഭവം നടന്നത്. മലയാറ്റൂര്‍ സെന്റ് തോമസ് സ്‌കൂളിലെ പത്താം ക്ലാസ് വിദ്യാര്‍ഥിയായ പള്ളശേരി വീട്ടില്‍ മിഥുനാണ് (15) മരിച്ചത്.
കൂട്ടുകാരുമൊത്ത് കുളിക്കുന്നതിനിടെ അബദ്ധത്തിൽ മിഥുന്‍ പുഴയിലെ കയത്തില്‍ അകപ്പെടുകയായിരുന്നു. സംഭവസ്ഥലത്ത് എത്തിയ കാലടി പൊലീസും, അങ്കമാലി ഫയർഫോഴ്‌സ് സംഘവും, നാട്ടുകാരും ചേര്‍ന്ന് നടത്തിയ രക്ഷാപ്രവർത്തനത്തിലൂടെ മിഥുനെ അങ്കമാലി ലിറ്റില്‍ ഫ്ലവര്‍ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.