പത്തനംതിട്ട: ബസും ചരക്ക് ലോറിയും കൂട്ടിയിടിച്ച്‌ നിരവധി പേർക്ക് പരിക്ക്. പത്തനംതിട്ട എംസി റോഡില്‍ പന്തളം കുളനടയില്‍ ഓർത്തോഡോക്‌സ് പള്ളിക്ക് സമീപമാണ് രാവിലെ അപകടമുണ്ടായത്. മാനന്തവാടിയില്‍ നിന്ന് തിരുവനന്തപുരത്തേയ്ക്ക് പോവുകയായിരുന്ന ദീർഘദൂര സ്വകാര്യ ബസും ചരക്ക് ലോറിയുമാണ് കൂട്ടിയിടിച്ചത്.
പരിക്കേറ്റവരെ ആശുപത്രിയിലെത്തിച്ചു. ഇവരില്‍ ചിലരുടെ നില ഗുരുതരമാണെന്നാണ് വിവരം. സംഭവസ്ഥലത്തേയ്ക്ക് അഗ്നിരക്ഷാ സേന പുറപ്പെട്ടു. പൊലീസും സ്ഥലത്തെത്തിയെന്നാണ് വിവരം. സ്‌കൂട്ടറും ബൈക്കും കൂട്ടിയിടിച്ച്‌ പരിക്ക് കട്ടപ്പനയില്‍ സ്‌കൂട്ടറും ബൈക്കും കൂട്ടിയിടിച്ച്‌ യുവാവിന് പരിക്ക്. കൊച്ചുതോവാള സ്വദേശി ജസ്‌റ്റിനാണ് പരിക്കേറ്റത്.
ഇന്നലെ മൂന്നോടെ കട്ടപ്പന- ഇരട്ടയാർ റോഡില്‍ കാർഷിക വികസന ബാങ്കിന് സമീപത്തായിയാണ് അപകടമുണ്ടായത്. ജസ്റ്റിനെ സ്വകാര്യ ആശുപത്രിയില്‍ പ്രവേശിപ്പിച്ചു. ബൈക്കിടിച്ച്‌ കാല്‍നട യാത്രക്കാരന ്പരിക്ക് വണ്ടിപ്പെരിയാർ നെല്ലിമലയ്ക്ക് സമീപം നിയന്ത്രണംവിട്ട ബൈക്ക് ഇടിച്ച്‌ കാല്‍നടയാത്രക്കാരനും ബൈക്ക് യാത്രക്കാരനും പരിക്ക്.
കാല്‍നടയാത്രക്കാരനായ വാളാടി സ്വദേശി ജെയിംസിനെ വണ്ടിപ്പെരിയാറിലെ സ്വകാര്യ ആശുപത്രിയിലും ബൈക്ക് യാത്രക്കാരനായ കുമളി സ്വദേശി ഷാജുമോനെ കുമളിയിലെ സ്വകാര്യ ആശുപത്രിയിലും പ്രവേശിപ്പിച്ചു.