തിരുവനന്തപുരം : കേരള ബാങ്ക് എംപ്ലോയീസ് ഫെഡറേഷന്റെ (ബെഫി) ആഭിമുഖ്യത്തില്‍ കേരള ബാങ്ക് ആസ്ഥാനത്തിന് മുന്നില്‍ ജീവനക്കാര്‍ നടത്തുന്ന രാപ്പകല്‍ സമരം ഇന്ന് തുടങ്ങും.
രാവിലെ 11ന് സി.ഐ.ടി.യു അഖിലേന്ത്യ സെക്രട്ടറി പി.നന്ദകുമാര്‍ ഉദ്ഘാടനം ചെയ്യും. നാളെ രാവിലെ 11ന് സമാപന സമ്മേളനം സി.ഐ.ടി.യു സംസ്ഥാന സെക്രട്ടറി കെ.എസ്.സുനില്‍കുമാറും ഉദ്ഘാടനം ചെയ്യുമെന്ന് ഫെഡറേഷൻ വര്‍ക്കിംഗ് പ്രസിഡന്റ് ടി.ആര്‍.രമേഷും ജനറല്‍ സെക്രട്ടറി കെ.ടി.അനില്‍കുമാറും അറിയിച്ചു.
ആയിരത്തിലധികം ഒഴിവുകള്‍ ഉടൻ നികത്തുക , തസ്തിക നിര്‍ണയത്തിന് നിയോഗിച്ച കമ്മിഷൻ റിപ്പോര്‍ട്ട് നടപ്പിലാക്കുക തുടങ്ങിയ ആവശ്യങ്ങളുന്നയിച്ചാണ് സമരം