കർഷകദിനത്തോടനുബന്ധിച്ച് പഞ്ചായത്തിലെ മികച്ച കർഷകരെ ആദരിച്ചു

കർഷകദിനത്തോടനുബന്ധിച്ച് പഞ്ചായത്തിലെ മികച്ച കർഷകരെ ആദരിച്ചു.മാവേലിക്കര എം.എൽ.എ .എം. എസ് അരുൺകുമാർ ഉദ്ഘാടനം നിർവഹിച്ച ചടങ്ങിൽ പഞ്ചായത്ത് പ്രസിഡൻറ് കെ .ആർ അനിൽകുമാർ അധ്യക്ഷത വഹിച്ചു. ആലപ്പുഴ മണ്ണ് പരിശോധന ലാബിൽ നിന്നും സീനിയർ കെമിസ്ട്രി ശ്രീകല ആരോഗ്യമുള്ള മണ്ണ് ഹരിതാഭമായ കൃഷിയിടം എന്ന വിഷയത്തെ ആസ്പദമാക്കി കാർഷിക സെമിനാർ നയിച്ചു

പരിപാടിയുടെ ഭാഗമായി കാർഷിക യന്ത്രവൽകൃത ഉപ പദ്ധതിയുടെപ്രവർത്തനത്തെക്കുറിച്ച് ആലപ്പുഴ അസിസ്റ്റൻറ് എൻജിനീയർ സിനോജ് വിശദീകരിണം നടത്തി. കർഷക ദിനാചരണത്തോടനുബന്ധിച്ച് പഞ്ചായത്തിലെ വിവിധ മേഖലകളിൽ പ്രവർത്തിച്ച 8 കർഷകരെ എംഎൽഎം മൊമെന്റോയും ക്യാഷ് അവാർഡും നൽകി ആദരിച്ചു.

ചടങ്ങിൽ ബ്ലോക്ക് പഞ്ചായത്ത് പ്രസിഡൻറ് .എസ് . രജനി ജില്ലാ പഞ്ചായത്തംഗം അഡ്വക്കേറ്റ് കെ .തുഷാര ബ്ലോക്ക് പഞ്ചായത്ത് അംഗങ്ങളായ .പ്രസന്നകുമാരി .സിനുഖാൻ ഗ്രാമപഞ്ചായത്ത് വാർഡ് മെമ്പർമാർ തുടങ്ങിയവർ സംസാരിച്ചു. കർഷകരെ ആദരിച്ചതോടൊപ്പം കൃഷിശ്രീ സെൻറർ അംഗങ്ങളുടെ സർട്ടിഫിക്കറ്റുകളുടെയും കാർഷിക ഉപകരണങ്ങളുടെയും വിതരണവും കർഷകരുടെ സോയിൽ ഹെൽത്ത് കാർഡ് വിതരണവും പ്രസിഡൻറ് എസ് രജനി നിർവഹിച്ചു.കൃഷി ഓഫീസർ ആര്യ കൃഷി ഉദ്യോഗസ്ഥരായ ഗീതാ കുമാരി ,ഹസീന, അൻവർ തുടങ്ങിയവർ പങ്കെടുത്തു