കോതമംഗലം: ജ്വല്ലറിയിലെത്തിയ യുവതിക്ക് നേരെ ലൈംഗികാതിക്രമം നടത്തിയ ഉടമയെ കോതമംഗലം പോലീസ് അറസ്റ്റ് ചെയ്തു. നെല്ലിക്കുഴി ജെംസ് ജ്വല്ലറി ഉടമ മുളവൂർ തായിക്കാട്ട് വീട്ടിൽ ബക്കറിനെയാണ് പോലീസ് അറസ്റ്റ് ചെയ്തത്. സ്വർണം വാങ്ങാൻ ജ്വല്ലറിയിൽ എത്തിയ യുവതിയോട് ബക്കർ മോശമായും, ലൈംഗികചുവയോടെയും സംസാരിക്കുകയായിരുന്നു, കൂടാതെ കയ്യിൽ കയറിപ്പിടിച്ചെന്നും യുവതിയുടെ പറഞ്ഞു.
യുവതിയുടെ പരാതിയുടെ അടിസ്ഥാനത്തിൽ കേസെടുത്ത് അന്വേഷണം നടത്തിയാണ് പോലീസ് ബക്കറിനെ കസ്റ്റഡിയിൽ എടുത്തത്. കോടതിയിൽ ഹാജരാക്കിയ ബക്കറിനെ മൂവാറ്റുപുഴ സബ്ജയിലിൽ റിമാൻഡ് ചെയ്തു.