ശ്രീനഗർ: ജമ്മുകാഷ്മീരില്‍ ആയുധങ്ങളുമായി അഞ്ച് ലഷ്കർ ഭീകരർ അറസ്റ്റില്‍. കർണയില്‍ നിന്നുമാണ് ഇവരെ പിടികൂടിയത്. രഹസ്യവിവരത്തിന്‍റെ അടിസ്ഥാനത്തില്‍ സൈന്യവും കുപ്‌വാര പോലീസും നടത്തിയ പരിശോനയിലാണ് ഇവരെ പിടികൂടിയത്. ഇവരില്‍ നിന്നും അഞ്ച് എകെ റൈഫിളുകള്‍, അഞ്ച് എകെ മാഗസിനുകള്‍, 16 ഷോർട്ട് എകെ റൗണ്ടുകള്‍ എന്നിവ ഉള്‍പ്പെടെ ആയുധങ്ങളും വെടിക്കോപ്പുകളും മറ്റ് കുറ്റകരമായ വസ്തുക്കളും കണ്ടെടുത്തിട്ടുണ്ട്.
റിയർ സുധ്പോര കർണയിലെ താമസക്കാരനായ സഹൂർ അഹമ്മദ് ഭട്ട് ആണ് ആദ്യം അറസ്റ്റിലായ പ്രതി. ഇയാളില്‍ നിന്ന് ഒരു എകെ റൈഫിള്‍, ഒരു എകെ മാഗസിൻ, 20 എകെ റൗണ്ടുകള്‍, രണ്ട് പിസ്റ്റളുകള്‍, രണ്ട് പിസ്റ്റള്‍ മാഗസിനുകള്‍ എന്നീ വസ്തുക്കള്‍ ലഭിച്ചു. ഇയാള്‍ നല്‍കിയ വിവരത്തിന്‍റെ അടിസ്ഥാനത്തില്‍ കർണയിലെ ഗാബ്രയില്‍ താമസിക്കുന്ന ഖുർഷിദ് അഹമ്മദ് റാത്തർ, മുദാസിർ ഷഫീഖ്, ഗുലാം സർവാർ റാത്തർ, ഖാസി ഫസല്‍ ഇല്ലാഹി എന്നിവരെയും പിടികൂടി.