ഇന്ത്യൻ മെഡിക്കല്‍ വിദ്യാര്‍ഥി യുഎസില്‍ വെടിയേറ്റ് മരിച്ചു. ഡല്‍ഹി സ്വദേശിയും യൂണിവേഴ്സിറ്റി ഓഫ് സിൻസിനാറ്റി മെഡിക്കല്‍ സ്കൂളിലെ നാലാം വര്‍ഷ വിദ്യാര്‍ഥിയുമായ ആദിത്യ അദ്‍ലാഖ്(26) നെയാണ് കാറില്‍ വെടിയേറ്റ നിലയില്‍ കണ്ടെത്തിയത്.
യുഎസിലെ ഒഹായോയില്‍ വെടിയേറ്റ് കാറില്‍ കി‌ടന്ന ആദിത്യയെ പോലീസ് ആശുപത്രിയില്‍ പ്രവേശിപ്പിച്ചെങ്കിലും ചികിത്സയിലിരിക്കെ മരിച്ചു. സംഭവത്തില്‍ വിശദമായി അന്വേഷണം ആരംഭിച്ചിട്ടുണ്ടെന്ന് സിൻസിനാറ്റി പോലീസ് ലെഫ്റ്റനന്‍റ് ജോനാഥൻ കണ്ണിംഗ്ഹാം പറഞ്ഞു.