തിരുവനന്തപുരം: കീം പരീക്ഷ നടക്കുന്ന പശ്ചാത്തലത്തില്‍ കൂടുതല്‍ സർവീസുകള്‍ ഒരുക്കിയിട്ടുണ്ടെന്നു കെഎസ്‌ആർടിസി. വിദ്യാർഥികളുടെ തിരക്ക് അനുസരിച്ച്‌ സർവീസുകള്‍ ലഭ്യമാക്കുമെന്നും കെഎസ്‌ആർടിസി അറിയിച്ചു. ജൂണ്‍ 5 മുതല്‍ 9 വരെ വിവിധ കേന്ദ്രങ്ങളിലായാണു പരീക്ഷ.
രാവിലെ പത്ത് മുതല്‍ ഒരു മണി വരെയും ഉച്ചയ്ക്ക് ശേഷം മൂന്നര മുതല്‍ അഞ്ച് മണി വരെയുമാണ് പരീക്ഷ സമയം. എല്ലാ ജില്ലകളില്‍ നിന്നും വിപുലമായ രീതിയില്‍ സർവീസുകള്‍ ക്രമീകരിക്കണമെന്നു ഗതാഗത വകുപ്പ് മന്ത്രി ഗണേഷ് കുമാര്‍ നിര്‍ദ്ദേശിച്ചിരുന്നു. തുടർന്നാണ് തീരുമാനം. വിദ്യാർഥികള്‍ നിശ്ചിത സമയത്തിനു രണ്ടര മണിക്കൂർ മുൻപ് പരീക്ഷാ കേന്ദ്രത്തില്‍ റിപ്പോർട്ട് ചെയ്യണം. ഈ സമയം കൂടി പരിഗണിച്ചായിരിക്കും സർവീസ് ക്രമീകരിക്കുക.