ഇടുക്കി: കഴിഞ്ഞ ദിവസം വീടിന്‍റെ ജപ്തി നടപടികൾക്കായി എത്തിയ ഉദ്യോഗസ്ഥർക്കു മുമ്പാകെ ആത്മഹത്യാശ്രമം നടത്തിയ വീട്ടമ്മ മരിച്ചു. നെടുങ്കണ്ടം ആശാരികണ്ടം സ്വദേശി ഷീബ ദിലീപ് ആണ് മരിച്ചത്.
ജപ്തി നടപടികൾക്കിടയിൽ മനംനൊന്ത് വീട്ടമ്മയായ ഷീബ തീകൊളുത്തി ആത്മഹത്യ ചെയ്യാൻ ശ്രമിക്കുന്നതിനിടെ പോലീസുകാർ ഉൾപ്പെടെയുള്ള ഉദ്യോഗസ്ഥരാണ് രക്ഷാപ്രവർത്തനം നടത്തി ആശുപത്രിയിൽ പ്രവേശിപ്പിച്ചത്.
തുടർന്ന് 90ശതമാനം പൊള്ളലേറ്റ ഷീബ കോട്ടയം മെഡിക്കല്‍ കോളജില്‍ ചികിത്സയില്‍ കഴിയുന്നതിനിടെയാണ് മരിച്ചത്. സൗത്ത് ഇന്ത്യൻ ബാങ്കില്‍ നിന്നെടുത്ത വായ്പ തിരിച്ചടവ് മുടങ്ങിയതിനെ തുടർന്നാണ് ബാങ്ക് ജപ്തി നടപടികളുമായി രംഗത്തെത്തിയത്.