കോതമംഗലം: ഡ്യൂട്ടിക്കാണെന്നു പറഞ്ഞു വീട്ടിൽ നിന്നും പോയ കോതമംഗലം സ്റ്റേഷനിലെ പോലീസ് ഉദ്യോഗസ്ഥനെ കാണാനില്ലെന്ന് കുടുംബം പരാതി നൽകി. പൈങ്ങോട്ടൂർ കടവൂർ സ്വദേശിയായ ഗ്രേഡ് എസ്ഐ ഷാജി പോളിനെ കാണാനില്ല എന്ന് പറഞ്ഞ് ഭാര്യയാണ് പോത്താനിക്കാട് പോലീസ് സ്റ്റേഷനിൽ പരാതി നൽകിയിരിക്കുന്നത്.
കഴിഞ്ഞ ദിവസം ഡ്യൂട്ടിക്കായി കോതമംഗലം സ്റ്റേഷനിലേക്ക് പോയ ഷാജി പോളിനെ വിളിച്ചിട്ടും കിട്ടാതായതോടെ വീട്ടുകാർ പരിഭ്രാന്തിയിൽ ആവുകയായിരുന്നു. തുടർന്ന് പോലീസുകാരുടെ സഹായത്തോടെ അന്വേഷിച്ചെങ്കിലും മറ്റു വിവരങ്ങളൊന്നും ലഭ്യമായില്ല. സ്വിച്ച് ഓഫ് ആയ മൊബൈൽ ഫോൺ തൊടുപുഴ ഭാഗത്ത് സ്വിച്ച് ഓൺ ആയതായി പറയപ്പെടുന്നു