കൊല്ലം: ഓണം സീസണ്‍ പ്രമാണിച്ച്‌ ഇക്കുറി കൂടുതല്‍ സ്പെഷല്‍ ട്രെയിനുകള്‍ അനുവദിച്ചതായി ദക്ഷിണ റെയില്‍വേ . ഇത്തവണ 129 ഓണം സ്പെഷലുകള്‍ ഏർപ്പെടുത്തിയെന്നാണ് കുറിപ്പില്‍ സൂചിപ്പിക്കുന്നത്. കഴിഞ്ഞ വർഷം 52 സർവീസുകളാണ് നടത്തിയത്.
അതിന് മുമ്ബിലത്തെ വർഷം 22 ട്രിപ്പുകള്‍ മാത്രമാണ് ഉണ്ടായിരുന്നതെന്നും ദക്ഷിണ റെയില്‍വേ അധികൃതർ ചൂണ്ടിക്കാട്ടി. ആയിരക്കണക്കിന് യാത്രക്കാർക്ക് സൗകര്യപ്രദമായി യാത്ര ചെയ്യുന്നതിന് ട്രെയിൻ ഓണ്‍ ഡിമാൻഡ് എന്ന രീതിയിലാണ് സ്പെഷലുകള്‍ ഏർപ്പെടുത്തിയതെന്നും കുറിപ്പില്‍ വ്യക്തമാക്കുന്നു. അതേസമയം ഏതൊക്കെ റൂട്ടുകളിലാണ് ഓണം സ്പെഷലുകള്‍ ഏർപ്പെടുത്തിയതെന്ന കാര്യം അധികൃതർ പറയുന്നുമില്ല.