ആലപ്പുഴ: എക്സൈസ് ഇന്‍റലിജൻസും ആലപ്പുഴ സര്‍ക്കിള്‍ പാര്‍ട്ടിയും റെയില്‍വേ പ്രോട്ടക്ഷൻ ഫോഴ്സുമായി നടത്തിയ സംയുക്ത പരിശോധനയില്‍ ധൻബാദ് ആലപ്പുഴ എക്സ്പ്രസില്‍ നിന്നും കഞ്ചാവ് പിടികൂടി. രണ്ടു ലക്ഷം രൂപാ വരുന്ന കഞ്ചാവാണ് സംയുക്ത പരിശോധനയില്‍ പിടികൂടിയത്.
ധൻബാദ് എക്സ്പ്രസില്‍ സീറ്റിനടിയില്‍ ഒളിപ്പിച്ച നിലയിലാണ് കഞ്ചാവ് കണ്ടെടുത്തത്. ഓണാഘോഷം മുൻ നിര്‍ത്തി ട്രെയിൻ മാര്‍ഗം ജില്ലയിലേയ്ക്ക് കഞ്ചാവ് കടത്തുന്നുവെന്ന രഹസ്യവിവരത്തിന്റെ അടിസ്ഥാനത്തിലാണ് പരിശോധന നടത്തിയത്. സംഭവത്തില്‍ ആരെയും അറസ്റ്റു ചെയ്തിട്ടില്ല. പ്രതികള്‍ക്കായി എക്സൈസ് അന്വേഷണം ആരംഭിച്ചിട്ടുണ്ട്.