ചത്തീസ്ഗഡില്‍ സുരക്ഷാ ഉദ്യോഗസ്ഥരും മാവോയിസ്റ്റുകളും തമ്മില്‍ ഏറ്റമുട്ടല്‍. ദന്തേവാഡ ജില്ലയിലുണ്ടായ ഏറ്റുമുട്ടലില്‍ മൂന്ന് മാവോയിസ്റ്റുകള്‍ കൊല്ലപ്പെട്ടു. കാറ്റേകല്യണ്‍ പോലീസ് സ്റ്റേഷന്‍ പരിധിയിലെ ദബ്ബക്കുന്ന ഗ്രാമത്തിനടുത്തുള്ള കുന്നിലാണ് ഏറ്റുമുട്ടലുണ്ടായത്. ഏറ്റുമുട്ടല്‍ നടന്ന സ്ഥലത്ത് നിന്ന് സ്ഫോടകവസ്തുക്കളുടെയും ആയുധങ്ങളുടെയും ശേഖരം പിടിച്ചെടുത്തതായും പോലീസ് അറിയിച്ചു.
അതേസമയം, മരിച്ചവരെ ഇതുവരെയും കണ്ടെത്താനായില്ല. സമീപ പ്രദേശങ്ങളില്‍ തിരച്ചില്‍ നടക്കുന്നുണ്ടെന്ന് ഉദ്യോഗസ്ഥര്‍ പറഞ്ഞു. സംസ്ഥാന പോലീസിന്റെ രണ്ട് യൂണിറ്റുകളായ ഡിസ്ട്രിക്റ്റ് റിസര്‍വ് ഗാര്‍ഡിലെയും (ഡിആര്‍ജി) ബസ്തര്‍ ഫൈറ്റേഴ്‌സിലെയും ഉദ്യോഗസ്ഥരായിരുന്നു മാവോയിസ്റ്റുകളെ നേരിട്ടത്.